Staubwolgge


Home


Värs


Värs vo dr Fasnacht 2004



D’Frau Metzler hänn sy jetze, dasch e bizz e Digge
Jee wie sinn d’Fraue muff in d’Wieschti jetzt loo schigge
Die Scheenscht isch wägg wo d’Manne kennti als verfiehre
Die kenne äntlig sich uff d’Arbet konzentriere. 

Mir hänn die Sändig „Superstar“ au kenne loose
Sythäär doo lyyde miir au an‘ re Angscht-Neurose
Denn jeedes Moll wenn unsere glai gächzt in Birsfälde
Hämmer scho Schiss er däät sich au bi dääne mälde. 

D‘ Frau Calmy-Rey isch letschti Zyt ganz scheen verschrogge
Jetz losst me sy ellai in Bärn mit Männer hogge
Drbyy waiss jeede als wie schwäär verdiensch dy Fuetter
As besorgti Frau und ganz ellai erziehendi Muetter.

S’maint im Flugzüg iiber Zug dr Herr Jochen Briegel
Die Schweiz hat wahrhaft wie ich sehe grosse Igel
Druff maint dr Käptn was ist bloss in sie gefahren
Dasch euer „Bobele“ mit seinen Stachelhaaren
. 

Hätt sich dr Hakan in Paris lo operiere
No däät er hitte worschyynt’s gar nim existiere
Denn statt d’Lischte operiert, wo iin so duet quääle
Wuurd iim bi dääne glatt dr halbi Ranze fääle. 

S’zaigt in Amerika e frienere body-Bilder
Jetz syyni Musggle ain und zwar graad wie a Wilder
In Californie kunnt’s so wyt, das wäär s’Fatale
Mues ooni Myys ain z’letscht am Aend mee Styyre zaale. 

Dää Pfanne-Türgg vom Coop macht unseri Fraue sichtig
Miir sin jetz zwaiti Wahl, s’sin nur no Pfanne wichtig
S’kunnt no so wyt no saage sy ze uns vermässe
S’gitt kaini Täller mee, jetz wird uus Pfanne g’
frässe. 

Jetz hett’s em doch no g’längt em gwisse Christoph Blocher
Me maint das gääb in Bäärn e ganz gewaltig Gstocher
Wenn dää uff’s Pültli schloot as numme so duet grache
Bestooot die Meegligkait as die Andere dien verwache. 

Dr Mensch wird als no mee verrugt jetz ai potz-duusig
Isst Wiirmer, schimmlig Zyg’s und Abfall ai wie gruusig
S’isch bald so wyt gitt s’mammi iirem „Wonne-Proppe“
E Hundekeegeli mit Schimmelkäs zem Schoppe
.