Staubwolgge


Home


Värs


Värs vo dr Fasnacht 2016

D Leuthard isch e liebi Frau,
e härzigs Lächle het si au.
Wie sie als bim härzhaft Lache,
so richtig fescht kaa s Muul uffmache.
Mir stuune nur und könnte schwööre,
do meinsch de luegsch in d Gotthardrööre.


E Toni Brunner macht jetzt schlapp,
dr Blocher git dr Löffel ab.
Dää Parmelin freut sich als erscht,
dr Ogi schreyyt grad „Freude herrscht“.
So wird d SVP, es steert doch kain,
mit Bärner Röschti Stuuberain.


Orangehuut und Hängebuuse,
und s Fidle hängt halb hinde uuse.
derzue no Hoor an Bai und Bruscht,
do kriegsch doch in dr Badi Fruscht.
Drum dien mir sottige Fraue Saage,
im Eglisee kasch Burka traage.


My Frau kaan ich im Eglisee,
wäg dr Burka nimme gsee.
Denn gseen ich sy und nimm sy hai
und dängg no het die kurzi Bai,
sy risst dr Schleyer ab im nu,
ich haiss Minu wär bisch du?

 
Bi de Asylante das isch doof,
gits e Minderheit vo schwarze Schoof.
D Kinderstuube hän die verpennt,
die hän nit mini Muetter kennt.
Sii wär iine, do kasch sicher syy,
mit em Deppigglopfer hindedryy.


Die wo stääle kemme in dr Bau
und als neye bisch denn derte d Frau.
Und Pädophily oder soo,
die dien in Kircheorde goo.
Und d Grabsch-Flychtling die sott me stroofe,
als Höggschtstroof mit dr Merkel schloofe.


Dr Blatter isch no voll im Saft,
d FIFA het en nonig gschafft.
Äär als Redegwandte Maa,
het immer e grossi Rööre ghaa.
Drum isch d Moral vo unserem Värs,
………………………………das wärs.
 

Die Katholisch Kirche das findi grass,
hilft Huere in dr Oggsegass.
Damit si könne Gott begäägne,
duet me iiri Wärggzyyg säägne.
Dr Bischoff sait, das find ich glatt,
und ich hälf in dr Schützematt.


Si luegt en scho ganz luschtvoll aa
und längt denn ohni Rücksicht draa.
Denn paggt s en uus ganz resolut,
schmeggt denn dra, zieht an dr Hut.
Si macht en heiss und duets begriesse,
trotz WHO e Glepfer z gniesse.


Dr Jusuf Ali Haboboo,
muess dringendschd mol zum Doggder goo.
Bim Sex, dass wurdi äär nit kenne,
griegt äär immer Augebrenne.
Dr Doggder sait jetzt mach kei Gschreyy,
das het me halt vom Pfäfferspreyy.


In Basel fyyle mir uns wohl, denn doo sin mir dehai,
doch mir sin e aige Volk  s passiert so allerlai.
Zum Byschpiil hän mir neyi Drämmli, die sin doch dr Hit,
nur wenn denn uff ains warte muesch,  no kunnts, oder ebbe nit.
Die blaue Zone wo mir hän, sin doch, hools dr Gugger.
D Parggschyybe wäg dr Rächnigskunscht, s Problem fir unsri Schugger.
Bis die am Mäntig grächnet hän, eb die Zyt duet stimme,
isch als denne wieder Sunntig , denn bruuchsch die Schyybe nimme.
Vorhär hän mir aine troffe, ganz bluetig und verschmiert,
het en ächtscht e wildi Frau, so fescht konfrontiert.
Oder het en e Seniorebandi,  mit em Rollator yberfalle,
nai äär isch am Spaalebärg, yyber e Boller gfalle.
Unseri Regierigsrööt mit und ohni Ränzli,
bi mänggem dänggsch dää het e IQ vom ne Zimmerpflänzli.
Dr ainti leggt dr Verkehr ganz lahm,    dr ander bald nym doo,
jä liebe Morin, wär soll jetzt, an all die Aaläss goo.
Die Armuet do uff dääre Wält, dass sott me doch beände,
drum dien doch jetzt em Baselbiet, die paar Milliönli spände.
E Sozialbyytraag vom FCB, an Fischer uff dääre Ärde,
so kaa dää Zircher, do in Basel au mol Maischter wärde.
Doch mir gniesse d Fasnacht jetzt, au wenn’s ringsum zämme bricht,
denn das Joor z Basel an dr Fasnacht haisst s, „Mir mache dicht“.
Und wär das Sujet jetzt nit tscheggt het, muess es jetzt verstoo,
ab sofort dien mir Schwoob und Ziircher, alli dusse loo.